Bretonezed, Bretoned
Me eo Prezidant Yes Breizh.
E penn kentañ ar bloaz nevez-mañ, Yes Breizh komz a ra ouzhoc'h gant lorc'h, izelded ha fiziañs.
Evel ma ouzoc'h, ar c'hevalaoù etrebroadel a zo o vont da vezañ muioc'h-mui bresk, an tennderioù geopolitikel a zo o kreskiñ, hag ar galloudoù bras a adtermen o pennaennoù en un doare egoistel ha peurliesañ en un doare kriz.
Ouzhpenn-se, abaoe meur a viz, en em gav Bro-C’hall en ur stad a zistabilded kronikel a zo noazus deomp hag a gendalc’h da zistrujañ hon ekonomiezh, hon servijoù publik, hon labourerien-douar, hon pesketaerien, hon gwazourien, hon kelennerien, ha kement a familhoù.
Er c’heñver diasur-se ne rank ket Breizh gouzañv ha dilezel hec’h-unan, met ret eo dezhi rakwelet, en em harpañ hag ober.
Breizh zo un douar kozh, fardet gant an avelioù, ar mareoù hag ar rummadoù gwazed ha maouezed o deus, e-pad kantvedoù, dibabet kentoc’h ar c’hengred eget an digenvezded, ar galon kentoc’h eget an dilez.
Ret eo deomp neuze bezañ gouest da zistreiñ d'an emdroadur negativel-se.
Yes Breizh divizet en deus kemer perzh en un doare modest met gant startijenn hep bezañ nag ur strollad nag ur greizenn prederiañ.
Yes Breizh kenderc'hel a raio da labourat e 2026 evit sevel kinnigoù resis, start ha skoazellet mat war kudennoù a denn deomp holl :
A-dra-sur e roimp skoazell d’an holl re a zo, en tu all d’ar c’homzoù ha d’ar goulennoù eeun, o labourat evit ma vo anavezet en ofisiel hor yezhoù, ma vo distro al Liger Atlantel, ha ma vo kelennet hon istor hag hon sevenadur.
Met labourat a raimp ivez war danvezioù all.
Petra int ?
Lakaet e vezont war hon buhez pemdeziek : en o zouez emañ al lojeiz, ar yec’hed, ar justis sokial hag ar galloud prenañ, ar surentez hag an endro.
Penaos e kendalc'himp ?
En tu all d'ar programmoù, d'ar savboentoù ha d'an divizoù a zeu eus lec'h all, Yes Breizh adalek miz Genver-mañ e vo lañset strolladoù prederiañ renet gant arbennigourien met ivez, war an dachenn lec'hel, gant ar re a vev hag a c'houzañv a-wechoù gant ar c'hudennoù-se.
Enkorfañ a raimp ivez er c'honsideradennoù-se an disoc'hoù bet lakaet e pleustr gant berzh gant hon amezeien evel e Bro-Skos, e Kembre, pe e broioù heñvel o ment pe o foblañs ouzh hon hini.
Evit petra e vo implijet ar prederiadennoù-se ?
Sikouret e vo gant an diarbennoù-se da zivizout diskoulmoù pleustrek evit dieubiñ Breizh diouzh an harzoù a vir outi da vont war-raok, ha dre-se e vo diazezet un argerzh sirius evit treuzkas kefridioù ar gouarnamant kreiz da Vreizh. Krediñ a reomp e vo talvoudus an argerzh-se deomp, met ivez d'ur gouarnamant kreiz deuet da vezañ dic'hallus dre ma'z eo karget eus pep tra, adalek ar brezel en Ukraina betek ur sal-mamm en ur gêr vihan eus ar broviñs.
Bretonezed, Bretoned
Ar bloavezh da zont a vo neuze ar pezh a raimp anezhañ asambles. Gant sklaerder, gant hardizhegezh, ha gant ar santimant-se a spered stroll a ziforc'h ac'hanomp.
Breizh n’eo ket ur periferiezh.
Breizh n’eo ket un tiriad.
Ur mare o pignat eo Breizh.
Bretonezed, Bretoned
Galv a ran ac'hanoc'h da gaout fiziañs, engouestl ha youl.
Kemer perzh asambles, kemer perzh asambles.
Bloavezh mat d'an holl.
Bevet Breizh
Vive la Bretagne!
